DOKTRINA
I. PANALANGIN
II. Ipaunawa sa mga nakikinig na ang mga pag-uusapan ay dapat itanim sa puso at isipan.
III. Alamin at talakayin ang motibo at hangarin ng mga nais umanib sa Kapatiran.
IV. I-sentro ang talakayan sa mga sumusunod na katanungan:
1) Bakit nagkaroon ng GUARDIANS? Kailan ito nag-umpisa?
2) Ano ang layunin ng GUARDIANS?
3) Ano ang tungkulin ng GUARDIANS?
4) Paano magagampanan ang mga tungkulin ng GUARDIANS?
V. Sagot sa mga Katanungan:
1) Bakit nagkaroon ng GUARDIANS? Kailan ito nag-umpisa?
Ang
Guardians ay itinatag upang tuluyan nang putulin ang naging madugong
hidwaan sa pagitan ng mga sundalo noon. Ang DSCB (Diablo Squad Crime
Buster} ay isinilang noong 1976 sa Mindanao.
Noong December 10,
1984 (SEC Registration Nr 123899) pormal na itinatag naman ang isang
Kapatiran upang ipalit sa Diablo Squad na mas nakilala sa tawag na
GUARDIANS. Ito ay lumaganap hanggang sa komunidad ng mga sibilyan.
2) Ano ang layunin ng GUARDIANS?
Nakapaloob
sa kahulugan ng bawat titik na itinatatak sa kanang balikat ang tunay
na layunin ng GUARDIANS. Pag-aralan at unawain ang kahulugan sa
pamamagitan ng pag-babalangkas nito sa isang buong pangungusap.
G - Gentlemen 86 L - Luzon
U - United D V - Visayas
A - Associates R I M - Mindanao
R - Race A A
D - Dauntless U L N Left Hand marking
I - Ingenuous G S GL – Guardians Luzon
A - Advocator Pseudonym GV – Guardians Visayas
N - Nation GM – Guardians Mindanao
S - Society
MAGIC GROUP
M - Moderate
A - Advocator
G - Gentlemen
I - Ingenuous
C - Competent
Sa
makatuwid, ang Guardians ay isang organisasyon ng mga Maginoong
Nagkakaisang Katuwang ng Lahing Pilipino, Magigiting at Matatapat na
Tagapag-tanggol ng Bansa at Lipunan. Sa Ingles, the Guardians is an
organization of Gentlemen, United Associates of the Filipino Race,
Dauntless, Ingenuous Advocator of the Nation and Society.
URI NG MGA KASAPI (RH Marking)
MG - Magic Group Civilian
B - Blue Army
A - Air Air Force
N - Navy Navy
G - Gold PNP, BJMP, BFP
M - Maroon Marine
R - Red PC
W - White MP
3) Ano ang tungkulin ng GUARDIANS?
Ang tungkulin ng bawat kasapi ng Kapatirang Guardians ay nakapaloob din sa mga letrang nakatatak sa bawat miyembro.
4) Paano magagampanan ang mga tungkulin ng GUARDIANS?
Sa
pamamagitan ng pagtalima sa layunin at mga alituntunin ng Kapatiran,
ito ang mabisang sukatan ng ganap na pagtupad sa tungkulin ng pagiging
isang kasapi ng Kapatirang Guardians.
5) Bakit kinakailangang sa 1 GANAP sumapi?
Alin
mang grupo ng Guardians ay iisa ang isinusulong: ang maging kaagapay ng
sambayanang Pilipino tungo sa TUNAY at GANAP na pagbabago sa lipunan at
maging sa pamahalaan. Subalit sa 1GANAP lamang mayroong inilalatag na
PROGRAMA at itinuturong DIREKSYON para sa buong Kapatiran. Dito
nakasasalalay ang pagkaka-iba ng 1GANAP sa ibang grupo ng mga Guardians.
Ang 1GANAP ay itinatag hindi upang makipag-paligsahan sa kanyang
pinagmulan, kundi upang ituro ang tamang daan at paraan tungo sa
pagkaka-isa sa pamamagitan ng mga mulat na kasapi na magsisilbing buhay
na huwaran sa sinuman.
1 GANAP BILANG ISANG HUWARAN
1 - Isa, One, Uno
Ang
1GANAP/GUARDIANS ay nag-iisa, nangunguna at namumukod-tangi sa
pagtataguyod sa kapakanan ng mga miyembro sa pamamagitan ng makabuluhang
mga Programa na tutugon sa hamon ng pabago-bagong panahon. Ito ay may
pananaw na dapat nitong balikatin ang obligasyon nito sa mga kasapi
upang maipadama sa mga ito ang tunay na pagpapahalaga sa
pinakamahalagang bahagi o elemento ng Kapatiran --- ang miyembro, na
siyang ugat ng lahat ng mga pagsisikap na ito.
G - Graft and Corruption (GANID sa Lipunan)
Ang
1GANAP/GUARDIANS ay laban sa mga GANID sa ating lipunang ginagalawan at
maging sa pamahalaan. Sa patuloy na pakikipag-ugnayan sa iba’t-ibang
ahensiya ng pamahalaan at sa pribadong sector man, ang 1GANAP/GUARDIANS
ang siyang magsisilbing BANTAY o TANOD ng BAYAN; tagapag-LANTAD sa mga
TIWALING gawain ng sinumang mamamayan lalo na ang mga nasa tungkulin,
nasa pribado man o sa pamahalaan.
A - Alleviation from Poverty (AHON-KAHIRAPAN)
Sa
paglulunsad ng mga makahulugang Programang Pang-kabuhayan, nilalayon ng
1GANAP/GUARDIANS na mai-ANGAT ang antas ng pamumuhay ng mga kasapi nito
at tuluyan silang mai-AHON sa kahirapan.
N - Nationalism (NASYONALISMO o pagiging MAKABAYAN)
Sa
pagpapa-unlad ng mga sarili, magagawa ng isang kasapi na maglingkod
hindi sa sarili lamang kundi maging sa kanyang kapwa, bilang isang
mamamayang kapaki-pakinabang na kasapi ng isang pamayanan. Siya ang
magsisilbing huwaran na tutularan ng mga ordinaryong mamamayan, tungo sa
magka-tuwang na pagpapa-unlad ng buong sambayanan at pangangalaga
maging sa kalikasan, na tunay na simbolo ng pagiging makabayan, sa isip,
sa salita at sa gawa.
A - Ability Enhancement (ABILIDAD-HASAAN)
Sa
pamamagitan ng regular na paglulunsad ng mga pagsasanay, hindi malayong
makahubog ng mga kasaping may potensyal na maging pinuno sa iba’t-ibang
antas ng ating pamahalaan at maging sa pribadong sektor.
P - Population Education (PAGTUTURO tungkol sa POPULASYON at pagpa-PLANO ng PAMILYA)
Bilang
kaagapay ng pamahalaan at maging ng simbahan, ang Kapatiran ang
mabisang kasangkapan bilang tagapag-turo ng kaalamang pang-populasyon at
tamang pagpa-pamilya tungo sa mas maaliwalas na kinabukasan na nakalaan
para sa bawat isang responsableng mamamayan.
Q.U.E.S.T., Programa ng 1 GANAP
Q - Quick Response
Dito
nakapaloob ang hangarin ng 1GANAP na makabuo sa bawat Chapter nito ng
isang “Emergency Reaction Unit” o ERU na siyang tatalima sa panahon ng
mga sakuna at kalamidad. Ang ERU ay mapapa-ilalim sa “Emergency Reaction
Group” o ERG na nakatalaga sa Punong Himpilan. Ang mga kasapi nito ay
sasailalim sa mga pagsasanay tungkol sa Disaster Preparedness, Relief
& Rescue upang maihanda sila sa panahon ng pangangailangan.
U - Unlimited Recruitment
Nakapaloob
rito ang MOEP o “Massive Organizatioal Expansion Program,” kung saan
ina-atasan ang bawat kasapi na tumulong sa tuloy-tuloy na pag-paparami
ng mga miyembro upang maka-agapay sa iba’t-ibang gawain at bilang
paghahanda sa mga darating pang halalan. Ang layunin ay maipa-kilala ang
Kapatiran bilang isang malaking puwersa na igagalang at hindi na upang
gamitin lamang ng kung sino-sinong tao o pulitiko katulad ng mga
nakararaang panahon.
E - Environmental Awareness
Dito
naman nakapaloob ang layunin ng Organisasyon na ipakita ang kanyang
pagmamalasakit sa kalikasan. Sa Green Environment na nakatuon sa Solid
Waste Management o sa tamang pagtatapon ng ating mga basura; sa Brown
Environment na nakatutok sa pangangalaga at pag-iingat sa ating mga
yamang lupa na ang layunin ay buhaying muli ang ating mga kagubatan at
kabundukan; at sa Blue Environment naman na nais isulong ang
pagmamalasakit sa ating mga yamang tubig sa pamamagitan ng pag-aaruga sa
mga critical habitats o mga namimiligrong yamang tubig na siyang
tahanan ng mga isda, mga lamang dagat at iba pang hayop sa tubig. Ito ay
maisasakatuparan sa pakikipag-ugnayan natin sa pamahalaan at
iba’t-ibang sektor ng lipunan.
S - Socio-Civic Activities
Naririto
naman ang mga gawain nating dati nang ginagampanan katulad ng Medical
& Dental Mission, Blood-Letting, Supplemental Feeding, Community
Cleaning Drive, Traffic Management, Peace and Order Maintenance at
marami pang iba. Sa pagpapatala natin sa barangay o sa lokal na
pamahalaan bilang isang NGO, tayo’y makikilala bilang isang matibay na
kaagapay sa kalusugan, kalinisan at kapayapaan.
T - Technology Transfer
Sa
pamamagitan ng regular na paglulunsad ng mga training o pagsasanay para
sa ating mga kasapi, natuturuan at nahuhubog silang maging
kapaki-pakinabang na mamamayan ng kani-kanilang mga komunidad. Sa
pangunguna ng Punong Himpilan, ang mga naturang mga pagsasanay ay
maaaring gawin sa iba’t-ibang panig ng kapuluan kung saan
nangangailangan ng mga naturang mga pagsasanay. Mula sa Leadership,
Livelihood and Skills Training at iba pang makabuluhang mga pagsasanay,
inaasahang ito ay makapagbibigay ng higit pang kakayahan sa bawa’t
kasapi na mapa-unlad pa ang kanilang mga sarili, makatulong sa kaanak at
sa buong sambayanan.